محشش يروي قصة كازنوفا

--------------------------------------------------------------------------------

محششين طالعين للبر وقال احدهم سالفه
والثاني يعلق عليه خلونا نشوف السالفه... كازنوفا...
في بداية القصه اعرفكم بكازنوفا كازنوفا هومقاتل شجاع
لايشق له غبار خاض
617 حرب( بدا الهياط )فاز فيها بـ712غزوه( توك تقول617 )
بسم الله نبداء القصه( لاتصدقونه تراه نصاب )
على بركة الله( ليه تبي تفتتح مستشفى )
عاش كازنوفا وحيد فقد امه وهوصغيروماخلى
مكان مادور فيه عليها( اخاف انه ماركوا )عاش كازنوفا
في اول شبابه حزين( مسكين مايستاهل )
درس كازنوفا بالجامعه الامريكيه( بداء يحوس )ويوم كان صغير كان
رخمه كلن يصفقه ( هذا البطل ) بس انه
في احد الايام وهو طالع من الدوام ( رجع يحوس )
ومعه بنت جيرانهم مروا من عندعرابجة الحاره وفجأه
بدو يتحرشون بالبنت ويوم رد عليهم بكلام وسخ
وهم يجون يركضون يبون يتوطون ببطنه وهو
يهج ويخلي البنت ويوم هج وهم يرجعون للبنت ( الرخمه )
هم يحسبونه هج الرجال جاب السلاح ورجع
ويوم شافوا السلاح هجوا والبنت عشقته
وصارت ماتنام الليل بس تفكر فيه وهوماجاب لها خبر
وفي احد الايام راحت للسوق تبي تجيبه له
هديه ( قلتلكم بداء يحوس الرجال) وراحت للسوق واشترتله
حمار لانه دايم يدقها كعابي للجامعه ويوم جابتله الهديه استانس
الرجال وعزمها على فلم الزير سالم بالسينما
( افلقوني إذا فهمتوا شي )
وهم رايحين للسينما وفجأأه !!!
يطلع لهم قاطع الطريق ابومحارب وربعه
ويصفقونه وياخذون الحمار والبنت
والبنت تصارخ كازنوفا كازنوفا انقذني...
هزت كازنوفا الكلمات
وهويقوم ويشر على ابومحارب بيده ويقول رجعها ياكــلـب؟؟
>>بزع المسكين<< وهم يرجعون
وهوينزل ابومحارب ويقوله وش قلت..
قال قلت سلامتك مني لمك (! ! ! ! !)
قال اسمع إذا تبي البنت قابلني الليله الساعه
بعدمنتصف الليل (؟؟؟) قال كازنوفا خلاص الليله الليله ويوم جوا بيمشون
ويحلف عليهم الايتعشون عنده ومايسرون من عنده الا بعد مايتعشون ( كـريـم )
وافقوا وتعشوا واستانسوا ويوم قلطهم وهو يسري من وراهم ويأخذ البنت
ويهج برا الديره
وين يروح وين يروح قالت نهاجر..قال وين نهاجر قال نروح المريخ وش رايك
نصنع صاروخ ( صاروخ مره وحده ماهو بسيط الرجال )
قالت المريخ مايعشون
فيه قال خلاص نروح القمر ((؟)) قالت معك جواز
قال لا قالت كيف بتعبرالحدود.. ( ـ؟!؟!ـ )
قال خلاص خلينا ندقها كعابي للديره (والصاروخ)
البنت طول الطريق تلمح له والرجال
مايفهم فجأأأه سقطت البنت وماتت ((%؟؟%)
وصااااح الرجال وقعد يصيح
ويصيح ويصيح
وجاء ابو محارب وحقين الحاره وصلوا عليها وعزوا كازنوفا
البقية بحياتك..................ومراسبوع ونص والرجال
حزين وقال ان لازم اصير تاجر بدخل الأسهم ويبيع الحمار
اللي هوراس ماله ويدخل الأسهم ويخسر ويحزن ويرقا فوق
هضبه مطله على المدينه الناس نصهم يركضون قالوا يبي
ينتحر وهو يرقا ويفسخ ملابسه ويلبسهن
وينزل والعالم يرجعون بس فيه واحد نذل صوره وانتشر
المقطع (خخخخخ خخخ ) وانفضح وحطوه حقين المدينه ! ! ! ! !
وسافر للديره اللي وراهم ولقى واحد وقاله امك حييه
انصدم وطاح مغمى عليه ويوم صحى قال امي امي وين ديرتها قالو
الارجنتين ( مــتــأثــر بــمــاركـــوا )
وهو يركب السفينه ويروح للارجنتين وتغرق
السفينه بنص البحر وهو يسبح لين الأرجنتين
(( قمت تحوس قلنا محشش اما قطع المحيط سباحه فهذي كثرلي منها ))
الرجال وصل الديره وقالوا امك رجعت ديرتكم
وهو يركب السفينه ويرجع وتغرق بنص المحيط وبرضه يسبح لين وصل
(( قـــم اطلع بـــرا ))
وراح لأمه ويوم جا امه توقعون وش صار
....((وش صار))..........
..........
.......
..........
......
قام المحشش وراح وقال لخوياه بكر
نكمل الحلقه الأخيره