النجوم اقربلي منك))قصه حقيقيه((الجزء الأول))

--------------------------------------------------------------------------------

بسم الله الرحمن الرحيم



(( النجووووووم أقربلي منك )) !!!!



هاذي القصة حقيقه والقصة هاذي بدايتها كانت قبل 4 سنوات

هيثم :- عمره 20 واحد فرفوش وقلبه طيب بس شاكوش يعني الوسامة في جهه وهو في جهه بس محبوب لانه على نياته وما يعرف ينافق

طيف :- عمرها 19 بنت آآآآآآآآية في الجماااااال (( ربي خلق الجمال أعطى سيدنا يوسف عليه السلام النص وطيف الربع ووزع الباقي على

الناس )) قلبها مرة ابيض نقية زيي حبة المطر دلوعة وبنت ناس ربي منعم عليهم ووحيدة أمها وأبوها بس عاشت طول عمرها برا السعودية


الــــــــقــــــــــــصـــــــــــة :-

هيثم في اول ثانوي في تبوك هوا درس الابتدائي والمتوسط في مكة بس نقل تبوك نظرا لظروف عمل ابوه فلمن جا تبوك اتاثر لانه لقا مجتمع

غير المجتمع الي عاش فيه المهم نجح من الترم الاول فطلب من ابوه جوال فوافق ابوه وزي أي واحد مراهق كان يبغا يتعرف على بنات

والله وبدا مرة تزبط معاه ومرة تخيب بس كان أي وحده يكلمها يخليها تمووووت ضحك حتى لو كانت معصبة منه المهم واستمر على ذا الحال

الين يوم من الايام جاته رسالة مكتوب فيها

((يسعد مساء قلب فيه الطيب كله .. ويسعد مساء وجه من قابله مايمله ... ويسعد مساء الغالي له الغلا كله ... يسعد مسائك ياعـــمـــري ))

استغرب هيثم وقال من هاذا الي مرسلي لانه المرسل كان رقم غريب قال خليني اتصل واشوف , والله ويدور على اقرب كبينة ويتصل

اول مرة محد رد , ثاني مرة ويرد صوت قلبه وقف صوووت يجنن يخليك تطير في عالم الاحلام صوت ماقد سمع زيه ولا راح يسمع زيه

صوت بنت :- الوو ((الي ردت عليه هيا طيف ومن الان راح اناديها باسمها ))

هيثم :- الو

طيف :- مين

هيثم :- السلام عليكم ورحمة الله وبركاته (( أبوك يالاخلاق إلي نزلت عليك ))

طيف :- وعليكم السلام ورحمة الله وبركاته , مين أنتا ؟

هيثم :- انتي إلي مين يا أختي ؟

طيف :- والله ! حلوه هادي داق على جوالي وتقول مين انتي .

هيثم :- بس يابنت الناس انتي الي ارسلتيلي رسالة .

طيف :- أية رسالة ؟

قام هيثم وقرا لها الرسالة

طيف :- أنا أسفه يا اخويا أرسلتها بالغلط


هيثم :- يا ليت كل مرة تغلطي

طيف :- ايش؟ بلا في شكلك ماتستحي على دمك

طوط طوط طوط

هيثم :- اش بها هاذي بسم الله علينا وربي ادق مرة ثانية

ويدق هيثم بس محد يرد

هيثم حلف الا انه يكلمها والله واليوم الثاني ينط للكبينة ويدق عليها

ردت

هيثم :- الو يا أختي ابغا أقلك شي بس أمانة لا تعصبيين وتقفلين في وجهي

طيف :- يالله انتا ايش تبغا مني , قلنالك الرسالة أرسلناها بالغلط يعني الواحد مايغلط ؟

هيثم :- لا عادي بس أنا ابغا أقلك شئ ممكن ؟

طيف :- أتفضل قول ايش عندك

هيثم:- ممكن اعرف اسمك (( ابوووووووووووكي يالانبرااااشة الغلط ))

طيف :- وربي انك واحد قليل الأدب يالله بآي

هيثم :- أمانة لاتقفلين الا إذا سمعتي ليش ابغا اسمك

طيف :- ياربي منك , وليش حضرتك تبغا اسمي ؟

هيثم :- مو انتي ارسلتيلي رسالة ؟

طيف :- انتا غبي ماتفهم قلتلك بالغلط وإلا انتو يالشباب أي وحدة ترسلكم تحسبوها تبغا تتعرف ؟

هيثم :- لا مو كذا

طيف :- اجل ايش تبغا باسمي ؟؟

هيثم :- ترضيلي أكون قليل الأدب ؟

طيف :- وليش تكون قليل الأدب ؟

هيثم :- لانه من الأدب ومن قواعد البرستيج (( وربي البرستيج في ديره وأنت في ديره )) انه أي احد يرسلك رسالة لازم تردله هيا وانأ ابغا اسمك

عشان أحطه في الرسالة عرفتي ليش

ضحكت طيف غصبا عنها وقالت :- والله العظيم انتا منتا صاحي

هيثم :- أنا عارف .

طيف :- أنا إسمي طيف

هيثم :- طيف البياتي ؟ (( طيف البياتي الي كانت تقدم برنامج للأطفال مع تاج توج في قناة عجمان ))

طيف :- لا ماني هيا

هيثم :- عاشت الاسامي يا أخت طيف

طيف :- عاشت أيامك

هيثم :- حلو اسم طيف

طيف :- ميرسي من زوقك

هيثم :- وانأ اسمي هيثم

طيف :- عاشت الاسامي

هيثم :- طيب

طيف :- ايش الي طيب ؟؟؟

هيثم :- لا ولا شئ

طيف :- انتا من فين تكلمني ؟

هيثم :- من كبينة

طيف :- ياحرام خلاص قفل وإنا راح اتصل عليك

هيثم يقول بينه وبين نفسه :- امش ياولد وربي البنت شبكت

قالها طيب (( مايصدق على الله ))

قفل

شوية وتدق عليه

طيف :- الو

هيثم :- هلا

طيف :- هيثم ؟

هيثم :- ايوه مين معايا ؟ (( مسوي ثقيل الأخ ))

طيف :- سوري شكلي غلطانة يالله بآي

هيثم :- لا لا استني أنا هيثم

طيف :- بلا في شكلك ليش ماتقول من البداية

هيثم :- لا بس امزح (( أبوك يالمزح ))

المهم وصارو يكلموا بعض

عرف إنها جاية الرياض قبل فترة لأنها كانت في فرنسا

هيثم حس انه أتعلق فيها بس ماحب يقلها

ويوم دقت عليه

طيف :- الو

هيثم :- هلا طيف

طيف :- كيفك

هيثم :- أنا بخير انتي أخبارك

طيف :- ماشي الحال

هيثم :- ليش ماشي الحال ؟

طيف :- هيثم ابغا أقلك شئ

هيثم نغزه قلبه وحس انه في شئ :- خير ياطيف ؟

طيف :- إن شاء الله خير لا تخاف

هيثم :- طيب قوليلي ايش في ؟

طيف :- لابس حبيت أقلك إننا في الصيف مسافرين فرنسا

هيثم :- اوووووووووه الحمد لله وربي خوفتيني تصدقي فرنسا حلوة في الصيف يالله روحي انبسطي وغيري جو بس والله حتوشحيني