ضمّيت طيفك وكنت إنته محَلّ الطيف
محال أنّي أضمّ الطيف وآضمّك

لو كان بيني وبينك مثل حَدّ السيف
بآحط عِنْقى عَ حدّ السيف وآشمّك

يا بوي يا ضيف عَ الرحمن واغلى ضيف
آشوف زولك ولكن ما اقْدَر آلمّك

سَمّوك زايد وكان اسمك قصيد وْكيف
واكرَمْت شعبك وأهديت الوطن دَمّك

ما رَدّني عن لقا وجهك شتا أو صيف
البَرْد بعدِك وكم كان الدفا يمّك

ويوم البَحَر قال أنه يشبهك يا حيف
له قلت إسْكِتْ تَأدَّبْ واحترِمْ عَمّك

ضَحَّيت بالعمر إلنا تصرفه تصريف
لو شفْت طول التَعَبْ ضَرّك ولو سَمّك

حتى الحسود الذي متعوِّد التزييف
مِدَحْك لأن ما لقى بك شيٍ إيذِمّك

حميت شعبك وكنت إلنا ربيع ورِيف
خلّيتنا وسِرْت كيف الحين ما نهِمّك

وين الذي كان للتوحيد والتوليف
وتلفّت الشَعْب ينشد خُبْرِك وعِلْمِك

يا وين زايد ومن للضيف ،، من للسيف
راس الرجال الكبار وفاتني ضَمّك

عظيم في الناس مثلك سيّدي ما شِيف
في طيب نفسك وفي صبرك وفي عزمك

يا رب أسألك عَنّا الصَبْر والتخفيف
وأن تَسْكِنه في الجنان ويشمله حِلْمِك

محمد بن راشد آل مكتوم

الله يسلمج

ومشكوره عالتواصل