الــ ،،، ــلام عليكم ورحمة الله وبركاته


قصيدة يا طير من القصائد الجميله والراائعه التي
اتحفنا بها والدنا المغفور له بإذن الله الشيخ زايد ..
كلماتها القويه والجزاله في الالفاظ جعلت الكثير
من الفنانين يتسابقون على غنائها والتميز بها والاغلبيه هب
فاهمين معناها وإن شاء الله بعد هالشرح البسيط تفهمونها:


....>>يا طيـــــــــر ,,

ياطير وظبتك بتدريـب
ابغي اصاوع بك هدادي

هنا يقول زايد لطيره انا دربتك وتعبت في تدريبك
وعلمتك اصول القنص حتى اكيف بك في الصيد

وناتي الى كلمه

اصاوع بك === يكيف على الصيد

والصوع هو الكيف عند لغه اهل الباديه

لى طارن الربد المهاريب
لي ذايرات من العوادي

الربد هو نوع من انواع الطيور الحباره..
وهو كبير وصعب صيده لانها تتميز بالسرعه
وخاصه في حاله احساسها بالعدو وخاصه الطيور

ذايرات + متذري == مكان ياؤى اليه عن الخطر سواء كان بيت الحباره او مكان امن


القف لهن عساك ماتخيب
واقصد لقايدهن عنـادي

القف = امسك بسرعه (باللهجه العاميه)

هالبيت يقول في ابونا زايد:

طير بسرعه وانهد على الفريسه والقفها اي امسكها
ويحثه على صيد قائدهم واكبرهم

خمه براسه خمت الذيب
وعليك ماظنيـه بـادي


خمه == أظربه + امسكه

هنا يقول الشاعر للطير اذا صدت الفريسه ابيك تمسكه مثل:
مسكة الذيب وتمسكه من اخر راسه من الخلف

وخل الهبوب تروح وتييب
ريش شعيع عقب المصادي

تييت = تجيب

شعي = المتناثر

هنا يقول بعد مايتناثر الريش بعد صيد الصقر للحباره تهب الرياح..
وتجعل الريش اللي شعاه الطير ونثره في البر والريح تجيبه
وتنثره في كل مكان


واللي سبج طيره بلاطيب
بيتم في حزنـه ينـادي
هنا يقول ابونا بعض الطيور تسبق ولكن بالقوه
وهذا يجعل القناص حزين لان طيره ماله رغبه في الصيد

عند اخويانا والاصاحيب
كلن بخبـره بايسـادي

طبعا بعد الصيد يجمعون الاخوه والاصحاب
وكلن يقول شو صاد ويتكلم عن طيره وعن الصيد الوفير
هذا مفخره للقناص وكلن يقول انا الاحسن بين ربعه


ولي ما ضوى ودوله الجيب
تزهاب والطبخـه عنـادي

ماضوي = الضيه هي العوده بعد الصيد ويكون وقتها المغرب او قبل المغرب

تزهب = تجهز

يقصد الشاعر بعض اخوياهم يتاخر في الضيه او الجيه
وقت تجمع الكل هنا يرسل لهم سياره وهي من نوع الجيب
وخاصه للقنص وفي نفس الوقت يزهبون او يجهزون الطبخ
وعاده مايكون من الصيد ...



اللهم إنا نسألك ان تغفر لوالدنا الشيخ زايد وترحمه بواسع رحمتك وان تدخله فسيح جناتك

واجعل قبره روضه من رياض الجنه يارب العالمين ،،
__________________

يعطيك العافيه


والقصيده صراحه طرر وايد حلووه وكلماتها احلى


الله يرحمها قايلها

اللهـ يرحمـك يازايد الخير
ويسكنكـ فسيح جناااتهـ
مشكووورو ماتقصر ياروح البداوهـ
يعطيكـ العاافيهـ أخوي

تحياتي
ملكة الانوثه

تسلم اخويه
الله يرحم زايد